Некаторыя беларускія прадпрыемствы лічаць унутраны рынак прэміяльным і ўсталёўваюць на ім цэны вышэйшыя, чым на знешнім. Пра гэта заявіў кіраўнік МАРГ Артур Карповіч.
Вытворца часцяком у пагоні за выкананнем паказчыка па экспарце забывае пра ўнутраны рынак, разумеючы, што гэта нікуды ад яго не дзенецца», — адзначыў міністр.
Каб пашырыць асартымент беларускай прадукцыі на ўнутраным рынку, ведамства прапануе ўрэгуляваць суадносіны цэн унутры краіны і за мяжой.
«Міністэрства ўносіць прапанову: Устанавіць нарматыўна, што беларускія вытворцы спажывецкіх тавараў не маюць права пастаўляць сваю прадукцыю на экспарт танней, чым яны яе прадаюць на ўнутраным рынку. У выключных выпадках даць права абласным выканаўчым камітэтам, Мінгарвыканкаму... узгадняць вываз прадукцыі па цэнах ніжэй, чым тавар пастаўляецца на ўнутраны рынак. Я думаю, што эфект будзе», — пракаментаваў Карповіч.
Паводле яго слоў, беларусы не павінны перакрываць рэнтабельнасць, якую недаатрымлівае прадпрыемства на тэрыторыі замежных дзяржаў.
Звязда, 3 сакавіка 2025
Ссылка на текущий документ: http://belarus.kz/aktueller/2-402/1/77315
Текущая дата: 04.03.2025