У якасці прадаўца пазначаны Белаграпрамбанк. Таргі запланаваныя на 12 чэрвеня. За пяць памяшканняў просяць Br19 583 910,23 гэта значыць прыкладна $6,5 млн па актуальным курсе. Крок таргоў — каля Br980 рублёў. Але жадаючым прыйдзецца спачатку ўнесці задатак у Br195,8 тыс. 

Гаворка ідзе пра будынак, размешчаны на скрыжаванні вуліц Свярдлова і Ульянаўскай.

Комплекс здалі ў эксплуатацыю ў 2020 годзе. У адной яго частцы зарабіў супермаркет, а ў другой павінен быў з’явіцца міні-атэль. Але яго так і не адкрылі. Агульная плошча-3153,5 квадратных метра, унутраная аздабленне адсутнічае.

У студзені гэтыя пяць памяшканняў плошчай ад 450 да 682 м2 ужо выстаўлялі на продаж на пляцоўцы «БелЮрЗабеспячэнне». Тады іх прадавалі паасобку за даўгі замежнага будаўнічага прадпрыемства «Гермес Канстракшн». Пустуючыя памяшканні, дзе павінен быў размяшчацца атэль, належаць кампаніі «Ды-бізнэс Салюшнз Лімітэд».

У 2012 годзе стала вядома, што кампанія «Ды-бізнэс Салюшнз Лімітэд» узвядзе 12-павярховую гасцініцу Amara на 214 нумароў. Адкрыць атэль планавалі да чэмпіянату свету па хакеі ў Мінску, які праходзіў у 2014 годзе.

Праз некалькі гадоў новы інвестар (кампанія «Гермес Канстракшн») змяніў функцыянальнае прызначэнне ўчастка і замест атэля узвёў на Свярдлова шматфункцыянальны комплекс.

Звязда, 9 чэрвеня 2025