Па выніках таргоў курс еўра вырас на 0,0083 рубля (0,36%) і склаў 2,3183 рубля.

Курс долара вырас на 0,0006 рубля (0,03%) і склаў 1,9921 рубля.

Курс расійскага рубля (за 100 адзінак) знізіўся на 0,0002 рубля і склаў 3,3617 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, які працягвае ігнараваць спрыяльную кан`юнктуру на рынку нафты, паказваючы аслабленне да долара, нягледзячы на цэны на нафту вышэйшыя за 64 долары за бараль Brent. Як адзначаюць фінансавыя аналітыкі, негатыўнымі для рубля фактарамі выступаюць выплаты знешняга доўгу расійскімі карпарацыямі, павелічэнне пакупак валюты Мінфінам РФ, а таксама рызыкі ад узмацнення жорсткасці санкцый ЗША ў дачыненні да Расіі.

У Расіі сярэдняўзважаны курс долара да рубля разлікамі "заўтра" на адзінай гандлёвай сесіі ММВБ, па якім усталёўваецца афіцыйны курс Цэнтрабанка, на 11.30 пятніцы вырас на 2,81 капейкі, склаўшы 59,2808 рубля.

Аляксей Арэшка, БелаПАН
Мінск, 10 лістапада 2017