"Белтэлекам" падключыў 600-тысячнага абанента GPON, ім стаў жыхар Баранавіч. Абаненту ўручылі падарачны сертыфікат "Белтэлекама" на бясплатнае падключэнне і карыстанне паслугамі byfly і інтэрактыўнага тэлебачання ZALA на адзін год.

"Белтэлекам" пераключае сваіх абанентаў на GPON з 2011 года.

Гэта тэхналогія прадугледжвае замену меднага кабелю на індывідуальны валаконна-аптычны. На гэты час сеткі GPON пабудаваны амаль у 100 гарадах краіны. Паводле разлікаў кампаніі, колькасць абанентаў - карыстальнікаў тэхналогіі GPON да канца 2016 года дасягне адзнакі 1 млн, а да канца 2020 года інтэрнэт праз оптавалакно будзе ў кожным гарадскім шматпавярховым доме краіны. Гэта дасць магчымасць павялічыць долю карыстальнікаў паслугамі шырокапалоснага доступу з больш высокімі скарасцямі.

Пры гэтым абаненту ўстанаўліваецца "разумнае" ўстройства ONU, якое мае розныя інтэрфейсы для прадастаўлення ўсемагчымых тэлекамунікацыйных паслуг - IMS сэрвісаў, інтэрактыўнага тэлебачання ZALA, інтэрнэту, ахоўнай сігналізацыі, дамафона, а ў будучым - паслугі "разумны дом".

22 студзеня 2016, Мінск
БЕЛТА