Белкаапсаюз за 8 месяцаў выплаціў насельніцтву Br215,3 млн за здадзеную прадукцыю і сыравіну. 

"Паводле даных, за 8 месяцаў бягучага года Белкаапсаюз выплаціў насельніцтву Br215,3 млн за здадзеную прадукцыю і сыравіну. Адзначу, што арганізацыямі спажывецкай кааперацыі закупачныя цэны ўстанаўліваюцца самастойна зыходзячы з якасных характарыстык, кан`юнктуры рынку, існуючай ураджайнасці, а таксама з улікам затрат па нарыхтоўцы, транспарціроўцы, рэалізацыі і захоўванні", - падкрэсліла Аксана Скіндар.

На 8 верасня закупачныя цэны за 1 кг на бульбу складаюць Br0,3-0,6, агуркі - Br1,1-1,6, таматы - Br0,6-1,1, капусту - Br0,5-0,7, буракі - Br0,4-0,6, моркву - Br0,45-0,9, цыбулю рэпчатую - Br0,65-1,1, часнок - Br3-5,5, яблыкі для прамперапрацоўкі - ад Br0,08-0,23 (зыходзячы з прыёмных цэн перапрацоўчых прадпрыемстваў), таварныя яблыкі - Br1-2, сліву, алычу - Br2, маліну - Br3, брусніцы - Br2,5-3, лісічкі - Br3-7, кавуны - Br1-1,2.

"Закупленая ў вытворцаў прадукцыя ў тым ліку выкарыстоўваецца для стварэння стабілізацыйных фондаў. Гэта дапаможа забяспечыць насельніцтва бульбай і плодаагародніннай прадукцыяй у міжсезонны перыяд. Так, у бягучым годзе плануецца стварыць запас прадукцыі на міжсезонны перыяд у аб`ёме не меншым за 10 тыс.т прадукцыі раслінаводства, у тым ліку 3,5 тыс. т бульбы, 5 тыс. т агародніны і 1,4 тыс. т яблыкаў", - запэўніла начальнік упраўлення нарыхтовак Белкаапсаюза.

11 верасня 2023, Мінск
БЕЛТА