У сувязі з правядзеннем у Гомелі акцыі "За здаровы лад жыцця", у межах мерапрыемстваў, скіраваных на прафілактыку і барацьбу з п`янствам і алкагалізмам, суб`екты гандлю не будуць ажыццяўляць рознічны гандаль алкагольнымі, слабаалкагольнымі напоямі і півам у гандлёвых аб`ектах Гомеля з 22 да 8 гадзін з 1 лютага па 31 сакавіка 2015 года.

Як паведамляе ўпраўленне гандлю і паслуг Гомельскага гарвыканкама, забарона ўводзіцца па распараджэнні старшыні Гомельскага гарадскога выканаўчага камітэта Пятра Кірычэнкі. Распараджэнне падпісанае 30 студзеня.

Алена Германовіч, БелаПАН
Гомель, 31 студзеня 2015