«У гэтым годзе плануецца лесааднаўленне і лесаразвядзенне на плошчы 32 тыс. га. Адзначу, што пры пасадцы выкарыстоўваецца таксама селекцыйны пасадачны матэрыял. На цяперашні момант лесааднаўлення праведзена на плошчы звыш 12 тыс. га», — сказаў Віктар Звяртоўскій.

Паводле яго слоў, падчас акцыі «Тыдзень лесу» плануецца стварыць новыя лясы на плошчы каля 3 тыс.га.

«Плошча стварэння лясоў у нашай краіне з году ў год павялічваецца. Гэта дазваляе захаваць станоўчую дынаміку высечкі лесааднаўлення. Асаблівая ўвага лесаводамі надаецца аднаўленню участкаў ляснога фонду, пацярпелага ад ўсыхання іглічных насаджэнняў. Так, летась у выніку ўраганных вятроў загінулі насаджэнні на плошчы звыш 10 тыс. га. Асноўны аб’ём пашкоджанняў прыйшоўся на Магілёўскую вобласць. Цяпер тут патрабуецца аднавіць 7,5 тыс. га лесу», — адзначыў намеснік начальніка ўпраўлення лясной гаспадаркі Мінлясгаса.

Паводле яго слоў, да нарыхтоўкі дрывянай драўніны шырока прыцягваецца мясцовае насельніцтва і арганізацыі, якія забяспечваюць палівам. За першы квартал цяперашнега года такой драўніны нарыхтавана 84 тыс. куб. м, у тым ліку насельніцтвам — 77 тыс. куб. м.

Звязда, 19 красавіка 2023