Праваахоўнікі ўстанавілі, што на прадпрыемстве сістэматычна дапускаліся грубыя парушэнні працэсу вырабу дарожнай сумесі для будаўнічых і рамонтных работ. Па інфармацыі УУС Магілёўскага аблвыканкама, колькасць дабаўленай фракцыі друзу не адпавядала заяўленым нормам, што ўплывала на якасць саставу.

Высветлілася, што 26-гадовы мужчына, з’яўляючыся матэрыяльна адказнай асобай за захоўванне, адгрузку і вытворчасць сумесі на пастаяннай аснове грэбаваў выкананнем тэхналогіі яе вырабу, не дасыпаючы патрэбную колькасць друзу. Зэканомлены будаўнічы матэрыял планаваў перапрадаць. Пры спробе рэалізаваць выкрадзенае ён быў затрыманы праваахоўнікамі з доказамі злачынства. Каля 35 тон друзу на агульную суму амаль 1200 рублёў канфіскавана супрацоўнікамі міліцыі.

У дачыненні да падазраванага следчымі заведзена крымінальная справа.

Сяргей Расолька
Звязда, 5 красавіка 2023