Такое рашэнне прынята Нацыянальным банкам "у межах паслядоўнай палітыкі, скіраванай на павелічэнне даходнасці па ўкладах у беларускіх рублях і ўзмацненне абароны рублёвых зберажэнняў у банках ад інфляцыйных працэсаў".

"Паэтапнае павышэнне стаўкі рэфінансавання ўлічвае інтарэсы крэдытных пазычальнікаў, даючы ім час адаптавацца да новых эканамічных умоў", — зазначаюць у Нацбанку.

Галоўны банк краіны абяцае "і надалей праводзіць узважаную працэнтную палітыку, надаючы асаблівую ўвагу пытанням захаванасці і прывабнасці рублёвых укладаў насельніцтва і арганізацый у банках".

Гэта ўжо пятае з пачатку 2011 года павышэнне стаўкі рэфінансавання. Раней стаўка павышалася 16 сакавіка (з 10,5 да 12%), 20 красавіка (да 13%), 18 мая (да 14%) і 1 чэрвеня (да 16% гадавых).

Між іншым асноўнымі кірункамі грашова-крэдытнай палітыкі на 2011 год прадугледжана зніжэнне стаўкі рэфінансавання да канца года да 8—10% гадавых.

Стаўка рэфінансавання з`яўляецца інструментам грашова-крэдытнага рэгулявання, з дапамогай якога Нацбанк уздзейнічае на стаўкі міжбанкаўскага рынку, а таксама стаўкі па дэпазітах юрыдычных і фізічных асоб і крэдытах, што даюцца ім крэдытнымі арганізацыямі.

БелаПАН
Мінск, 22 чэрвеня 2011

Ссылка на текущий документ: http://belarus.kz/aktueller/2-402/269/7412

Текущая дата: 20.11.2024