МАРГ бярэ пад асаблівы кантроль гандлёвыя кропкі, дзе прадаюцца электронныя цыгарэты і вадкасці для іх. Прычына — шматлікія парушэнні з боку прадаўцоў. Тое, што трэба захоўваць у закрытых секцыях у спецыялізаваным аддзеле альбо ў асобным кіёску, часта з’яўляецца на адкрытай вітрыне — напрыклад, аднаразовыя вейпы, ужо запраўленыя вадкасцю. Таму кантрольныя мерапрыемствы будуць узмоцненыя: сёння ў МАРГ прайшла нарада з прадстаўнікамі ўсіх абласцей. 

Іван Вежнавец, першы намеснік міністра антыманапольнага рэгулявання і гандлю Беларусі паведаміла, што ведамства ў апошні час актывізавала працу па маніторынгу сітуацыі на гэтым рынку і выявіла значную колькасць парушэнняў. «За апошні месяц мы праверылі больш за 200 аб’ектаў, парушэнні выявілі больш чым у 60% выпадкаў. Усім суб’ектам выдадзены рэкамендацыі і строга паказана, што адкрытая выкладка тытунёвых вырабаў і вадкасцяў для сродкаў электроннага курэння забароненая. Дадзеная прадукцыя павінна быць прыбрана з вітрыны», – сказала прадстаўнік міністэрства.

З 2020 года ў супермаркетах плошчай ад тысячы метраў цыгарэты з тытунём і вадкасці для электронных цыгарэт прадаюцца ў спецыялізаваных аддзелах, але таксама ў закрытых ёмістасцях. Адкрытая паліца — толькі ў крамах Duty Free. Забаронена прадаваць цыгарэты і ў крамах самаабслугоўвання.

Звязда, 13 верасня 2022