За аказанне дапамогі нібыта пацярпеламу ў ДТЗ сыну 78-гадовая гамяльчанка перадала кур’еру чамадан з $15 тыс., 200 еўра і ювелірнымі вырабамі на суму больш за Br2 тыс.

Аператыўнікі затрымалі кур’ера. Ім аказаўся 29-гадовы непрацуючы жыхар Буда-Кашалёўскага раёна, які паспеў выдаткаваць частку сродкаў на забавы, а астатняе закапаў каля свайго дома.

У дачыненні да фігуранта распачата крымінальная справа за махлярства ў асабліва буйным памеры.

Праваахоўнікі нагадваюць: пры паступленні падобных званкоў трэба спыніць размову, патэлефанаваць сваяку, нібыта які трапіў у ДТЗ, і паведаміць пра здарэнне ў міліцыю.

Звязда, 19 чэрвеня 2022