Аператыўнікамі наркакантролю ГУУС Мінгарвыканкама сумесна з калегамі з Заводскага РУУС па падазрэнні ў незаконным абароце наркотыкаў затрыманы двое мужчын.
У 35-гадовага мінчаніна аператыўнікі знайшлі і канфіскавалі больш за 40 грамаў марыхуаны і прыстасаванне для яе спажывання.
Устаноўлена, што мужчыну перадаў наркотык яго сябар дзяцінства, які быў затрыманы ў той жа дзень па месцы жыхарства ў Слуцкім раёне. Пры сабе, а таксама па месцы жыхарства 33-гадовага затрыманага было канфіскавана больш за 230 грамаў марыхуаны, а таксама некалькі дозаў мефедрону. Як паведамляе ГУУС Мінгарвыканкама, са слоў падазраванага, каля года таму ён знайшоў чатыры кусты дзікарослых канопляў, якія высушыў і перапрацаваў.
Следчыя далі прававую ацэнку дзеянням затрыманых і распачалі крымінальныя справы за незаконнае абарачэнне наркотыкаў.
Сяргей Расолька
Звязда, 30 чэрвеня 2022
Звязда, 30 чэрвеня 2022
Ссылка на текущий документ: http://belarus.kz/aktueller/2-402/30/65614
Текущая дата: 03.10.2024