«Усяго на ўборцы былі задзейнічаны 884 моладзевых экіпажа і 658 маладых вадзіцеляў. 307 моладзевых экіпажаў намалацілі больш за 1 тыс.т збожжа кожны, 43 — больш за 2 тыс. т, 15 — больш за 3 тыс. т і 3 — больш за 4 тыс. т, — распавяла Вераніка Гудкова. — 226 маладых кіроўцаў ужо перавезлі больш за 1 тыс.т збожжа кожны, 59 — больш за 2 тыс. т, 21 — больш за 3 тыс. т, 5 — больш за 4 тыс. т і 2 — больш за 5 тыс. т».

Усяго моладзевыя экіпажы намалацілі 758 175,732 т збожжа, а маладыя вадзіцелі перавезлі 577 263,12 т збожжа.

Беларускі рэспубліканскі саюз моладзі правёў рэспубліканскі праект"Моладзь — за ўраджай". Традыцыйна праект праходзіць ва ўсіх рэгіёнах краіны ў перыяд уборачнай кампаніі. Яго мэта — павышэнне прадукцыйнасці працы маладых працаўнікоў вёскі, занятых на ўборцы ўраджаю, заахвочванне іх працоўнай ініцыятывы, папулярызацыя сельскагаспадарчай працы і прафесій аграрнага профілю.

Звязда, 24 верасня 2022