Як паведамляе ГУУС Мінгарвыканкама, затрыманы напярэдадні прыехаў у Беларусь і за чатыры дні паспеў забраць у пенсіянераў, якім пад выглядам сваякоў, што трапілі ў ДТЗ, тэлефанавалі аферысты, грошы ў суме 100 тысяч долараў. Так, 87-гадовая мінчанка, якая паверыла тэлефонным махлярам, перадала кур’еру ўсе свае зберажэнні — 25 тысяч долараў.

Устаноўлена, што падазраваны знайшоў у тэлеграм-канале прапанову аб рабоце кур’ерам. Яму дасылалі адрасы, адкуль трэба было забіраць «пасылкі». Усе атрыманыя грошы замежнік пераводзіў у крыптавалюту.

Хлопца затрымалі на вакзале, дзе ён збіраўся на цягніку пакінуць краіну.

Распачата крымінальная справа за махлярства ў асабліва буйным памеры.

У ГУУС Мінгарвыканкама адзначылі, што кур’еры нароўні з іншымі ўдзельнікамі злачыннай схемы падлягаюць прыцягненню да крымінальнай адказнасці, а таксама нясуць абавязак па кампенсацыі матэрыяльнага ўрону, прычыненага ахвярам злачынстваў.

Сяргей Расолька
Звязда, 10 траўня 2022