Стварэнне на базе КДК і яго тэрытарыяльных органаў сістэмы грамадскіх інспектараў прадугледжана ўказам Прэзідэнта.

Фактычна гэта грамадзянскі актыў з ліку работнікаў дзяржаўных і кантралюючых органаў. Грамадскія інспектары будуць задзейнічаны пры кантролі за цэнамі ў гандлёвых аб’ектах, праверках у сферы сельскай гаспадаркі, вывучэнні сітуацыі па навядзенні парадку на зямлі і па іншых пытаннях. Заданні для іх будуць выдавацца кіраўнікамі структурных падраздзяленняў і тэрытарыяльных органаў камітэта.

З моманту стварэння Інстытута грамадскіх інспектараў у дзяржкантроль звярнуліся каля 100 грамадзян. У выніку конкурснага адбору пасведчанні атрымалі 8 чалавек. Таксама ў найбліжэйшы час яшчэ 30 прымуць у абласных КДК.

Звязда, 22 лютага 2022