Фігурант раней быў тройчы судзімы, у тым ліку за незаконны зварот наркотыкаў. Разам з саўдзельнікамі ён узяў са схованак 24,6 г мефедрона і 3,35 г гашышу, падзяліў на дробныя часткі і зрабіў закладкі на тэрыторыі Брэста. Наркотыкі і псіхатропы пазней знайшлі і канфіскавалі праваахоўнікі.

Суд прызнаў мужчыну вінаватым па арт. 328 КК. Яго прыгаварылі да сямі гадоў і аднаго месяца пазбаўлення волі з адбываннем пакарання ў папраўчай калоніі ва ўмовах узмоцненага рэжыму. Таксама яму давядзецца выплаціць 100 базавых велічынь штрафу (Br3,2 тыс.). Яго мабільны тэлефон Huawei канфіскаваны як сродак учынення злачынства.

Прыгавор не ўступіў у законную сілу. Ён можа быць абскарджаны і апратэставаны ва ўстаноўленым законам парадку.

Звязда, 10 сакавіка 2022