На днях у аператыўна-дзяжурную службу Барысаўскага РУУС звярнулася 49-гадовая мясцовая жыхарка з заявай аб крадзяжы з яе карт-рахункаў буйной грашовай сумы. Як растлумачыла пацярпелая, фінансы спісаліся як з валютнага рахунку, так і з рахунку ў беларускіх рублях.
Высветлілася, што заяўніца праз пошукавік па няўважлівасці перайшла па першай спасылцы, якая ў далейшым аказалася копіяй арыгінальнага сайта інтэрнэт-банкінгу. Пацярпелая ўвяла логін і пароль ад свайго акаўнта, тым самым дала поўны доступ да сваіх карт-рахункаў ашуканцам.
Па інфармацыі УУС Мінскага аблвыканкама, літаральна на працягу дзесяці хвілін зламыснікі часткамі спісалі ўсе наяўныя грашовыя сродкі пацярпелай. І паколькі ў тэлефоне жанчыны было ўстаноўлена смс-абвестка, крадзеж адбываўся на яе вачах.
Следчымі распачата крымінальная справа за крадзеж маёмасці шляхам мадыфікацыі камп’ютарнай інфармацыі, здзейснены ў асабліва буйным памеры.
Сяргей Расолька
Звязда, 1 лютага 2022
Звязда, 1 лютага 2022
Ссылка на текущий документ: http://belarus.kz/aktueller/2-402/35/63238
Текущая дата: 03.10.2024