Праз некаторы час пакупнік засумняваўся ў кошце тавару. Ці сапраўды ён каштуе такіх грошай. Каб высвятліць гэта, мужчына звярнуўся ў міліцыю. Для вызначэння кошту была прызначана судовая экспертыза.

Як паведаміла афіцыйны прадстаўнік ДКСЭ па Гродзенскай вобласці Алена Місюкевіч, агульны кошт трох коўдраў і трох камплектаў пасцельнай бялізны складае 169 рублёў. Такім чынам, пенсіянер пераплаціў «карабейніку» амаль 530 рублёў, што ў чатыры разы больш рэальнага кошту тавару. Па даным факце раённым аддзелам Следчага камітэта ўзбуджана крымінальная справа.

І такія выпадкі — не рэдкасць. Як расказалі ў судова-экспертным ведамастве, на экспертызу раз-пораз трапляюць рэчы, якія грамадзяне набываюць па-за гандлёвымі аб’ектамі ці рынкамі. У выніку нярэдка становяцца ахвярамі зламыснікаў. Так, з пачатку года праведзена больш 300 судовых тавараведчых экспертыз, якія па большай частцы прызначаюцца праваахоўнымі органамі. Звяртаюцца і самі грамадзяне. Як правіла, галоўнае пытанне, якое іх цікавіць: ці адпавядае тавар заяўленым характарыстыкам.

Маргарыта Ушкевіч
Звязда, 5 лістапада 2021