"У сталічных гандлёвых аб`ектах напярэдадні свят падрыхтаваны шматлікія акцыі, распродажы і скідкі. У снежні запланавана каля 1,5 тыс. разнастайных мерапрыемстваў. Так, ужо сёння ўнівермаг "Беларусь" будзе працаваць да 23.00. Тут пройдзе акцыя "Карнавальная ноч" з прадастаўленнем скідкі ў памеры 30 працэнтаў на нехарчовыя тавары і 10 працэнтаў - на харчовыя. Усе пакупнікі, якія прыйшлі ў навагоднім карнавальным касцюме, атрымаюць у падарунак купон на 30-працэнтную скідку. Ім можна будзе скарыстацца не толькі ў гэты дзень, а па 31 снежня ўключна", - расказаў Дзмітрый Пляханаў.

24 снежня пройдзе акцыя "Цуды здзяйсняюцца", скідкі складуць 30 працэнтаў на нехарчовую прадукцыю і 10 працэнтаў на харчовыя тавары. Універмаг завершыць у гэтым годзе работу 29, 30 і 31 снежня акцыяй "Навагодні перапалох", прыцягваючы пакупнікоў скідкамі 25 працэнтаў і 5 працэнтаў адпаведна.

ГУМ з 20 па 22 снежня правядзе акцыю "Час чараўніцтва" з прадастаўленнем скідкі ў памеры 32 працэнты на нехарчовыя тавары. У гандлёвым цэнтры "Кірмаш" (па ўсіх трох адрасах цэнтра) 25, 26 і 27 снежня пройдзе акцыя "Калядныя скідкі" - нехарчовую прадукцыю з цаной вышэйшай за Br1 можна будзе купіць танней на 33 працэнты. У гандлёвым цэнтры "Сталіца" 25-27 снежня пакупнікам прапануюць скідкі ад 10 працэнтаў да 50 працэнтаў.

У аб`ектах грамадскага харчавання сталіцы да Каляд і Новага года пройдзе 850 выставак-продажаў кулінарных і кандытарскіх вырабаў у аўтарскім выкананні майстроў-повараў і майстроў-кандытараў Мінска. Прадукцыю можна будзе заказаць у звычайным і банкетным выкананні, а таксама з дастаўкай дадому.

Што датычыцца ёлачных кірмашоў, у мінулым годзе ў Мінску адбыўся аўкцыён, на якім былі вызначаны каля 80 пляцовак па продажы жывых ялін. Пераможцы таргоў атрымалі права на працягу трох гадоў гандляваць ялінамі на выбранай пляцоўцы. Купіць навагоднія дрэвы можна будзе ва ўсіх раёнах сталіцы 22-31 снежня.

Актыўны гандаль разгорнецца і ў населеных пунктах, якія цесна прымыкаюць да сталіцы: Бараўлянах, Сеніцы, Валяр`янаве і інш. Лясгасы запланавалі паставіць Мінску каля 30 тыс. жывых ялін, што адпавядае ўзроўню мінулага года.

Сёння ў сталіцы стартаваў "Калядны кірмаш". Асноўныя лакацыі - каля галоўнай ёлкі краіны на Кастрычніцкай плошчы і каля Палаца спорту.

Каля галоўнай ёлкі кірмаш будзе працаваць 18-23 снежня - з 12.00 да 20.00, 24-30 снежня - з 12.00 да 23.00, а таксама з 12.00 31 снежня да 4.00 1 января. Рэжым работы з 1 па 14 студзеня - з 12.00 да 20.00.

Каля Палаца спорту гандаль разгорнецца таксама з 18 снежня па 14 студзеня. Графік работы ў будныя дні - з 14.00 да 23.00, у выхадныя - з 12.00 да 23.00, у навагоднюю ноч - да 4 раніцы.

Кірмашовы гандаль прадугледжаны ва ўсіх адміністрацыйных раёнах сталіцы.

18 снежня 2020, Мінск
БЕЛТА