Новаўвядзенні беларускіх улад закрануць як камерцыйных забудоўшчыкаў, так і звычайных грамадзян, якія вырашаць пабудаваць прыватны дом.
У Беларусі будуць кардынальна спрошчаны працэдуры пры будаўніцтве жылля, заявіў міністр архітэктуры і будаўніцтва Руслан Пархамовіч.
Па словах кіраўніка ведамства, пры праходжанні экспертызы праектна-каштарыснай дакументацыі на фінальнай стадыі камерцыйнага будаўніцтва аб’ект будзе прымаць толькі Дзяржбуднагляд без удзелу іншых органаў і атрымліваць іншыя заключэнні будзе не трэба.
Яшчэ адным спрашчэннем, працягнуў Пархамовіч, стане тое, што пры наяўнасці зямельнага ўчастка для будаўніцтва дома не патрэбна будзе праектна-каштарысная дакументацыя, а такім чынам, адпадзе неабходнасць у праходжанні экспертызы, але на фінальнай стадыі ўвод дома будзе адбывацца з удзелам камісіі.
Міністр адзначыў, што таксама будзе спрошчаны парадак падключэння індывідуальных жылых дамоў да інжынерных сетак. Прадугледжаны прэферэнцыі для юрыдычных асоб, якія вырашаць будаваць індывідуальнае жыллё.
Ссылка на текущий документ: http://belarus.kz/aktueller/2-402/5/74066
Текущая дата: 15.11.2024