"Сярод моладзевых экіпажаў вызначыліся 315 тысячнікаў, 46 двухтысячнікаў, 6 трохтысячнікаў і 2 чатырохтысячнікі. У лідарах - моладзевы экіпаж Леаніда Аляксеенкі і Сяргея Калбасава з СВФ "Заазер`е" ААТ "Віцебскі мясакамбінат", які намалаціў 4311 т збожжа. Акрамя таго, 243 маладыя кіроўцы перавезлі 1 тыс. т і больш намалочанага збожжа, 60 - больш за 2 тыс. т, 10 - звыш 3 тыс. т і 2 - больш за 4 тыс. т. Сярод маладых вадзіцеляў найлепшым з`яўляецца Павел Ціханаў з ААТ "Амкадор-Шклоў", які перавёз 4805 т збожжа", - расказала Аляксандра Лугоўская. У Брэсцкай, Гродзенскай і Мінскай абласцях моладзевыя экіпажы і маладыя кіроўцы ўборачную кампанію ўжо завяршылі.

На палях у кожным рэгіёне ўшаноўваюць маладых лідараў і ўручаюць ім дыпломы і вымпелы. Тэрытарыяльныя арганізацыі БРСМ накіруюць бацькам юнакоў падзячныя пісьмы.

БРСМ выступае арганізатарам рэспубліканскага праекта "Моладзь - за ўраджай". Спаборніцтвы праходзяць у намінацыях "Моладзевы экіпаж камбайнераў, які дасягнуў найбольшага намалоту" і "Малады вадзіцель, які перавёз найвышэйшую колькасць збожжа". Праект прадугледжвае комплексную інфармацыйную кампанію на афіцыйных інтэрнэт-рэсурсах БРСМ, а таксама ў групах маладзёжнай арганізацыі ў сацыяльных сетках пад хэштэгамі #молодежьзаурожай, #жатвабеларуси2020, #малаяродина.

15 верасня 2020, Мінск
БЕЛТА