"Усяго ў сакавіку-маі банкі прадаставілі крэдытныя канікулы больш як 6 тыс. кліентаў на суму амаль Br2 млрд. З іх амаль 2,8 тыс. - гэта юрыдычныя асобы, 3,3 тыс. - фізічныя асобы. Так, толькі буйнейшы банк краіны - ААТ "ААБ Беларусбанк" - задаволіў амаль 90 працэнтаў просьбаў кліентаў са сферы малога і сярэдняга бізнесу аб рэструктурызацыі і растэрміноўцы крэдытаў", - расказалі ў прэс-службе АББ.

Акрамя змяншэння даўгавой нагрузкі банкі для дапамогі бізнесу і грамадзянам прымаюць дадатковыя меры - ад зніжэння тарыфаў і бясплатных пакетаў паслуг да льготных праектаў са службамі дастаўкі, транспартнымі кампаніямі і іншымі сэрвісамі. Пры гэтым асаблівая ўвага ўдзяляецца найбольш пацярпелым галінам - турыстычнай, пасажырскім перавозкам, грамадскаму харчаванню.

Напрыклад, БНБ-Банк бясплатна абслугоўвае прадпрыемствы са сфер турыстычных паслуг і пасажырскіх перавозак, БСБ Банк распрацаваў бясплатны пакет паслуг для прадпрыемстваў грамадскага харчавання, МТБанк прапануе новым кліентам разлікова-касавае абслугоўванне са скідкай 90 працэнтаў.

"Банкі і ў далейшым будуць прымаць усе неабходныя меры для падтрымання рэальнага сектара эканомікі і грамадзян і змяншэння для іх неспрыяльных наступстваў, выкліканых пандэміяй, - адзначыла выконваючая абавязкі старшыні Асацыяцыі беларускіх банкаў Ганна Кавалёва. - Крэдытна-фінансавыя арганізацыі гатовы нарошчваць аб`ёмы падтрымкі, але пры гэтым чакаюць павелічэння актыўнасці саміх кліентаў, якія часта, маючы праблемы з пагашэннем крэдыту, не заўсёды своечасова звяртаюцца ў банкі з адпаведным запытам. Акрамя таго, для мінімізацыі выпадкаў адмовы ў крэдытных канікулах неабходна правільна падрыхтаваць і прадставіць у банк пакет дакументаў, што пацвярджаюць складанае фінансавае становішча".

17 чэрвеня 2020, Мінск
БЕЛТА