Па дадзеных аналітычнай справаздачы OpenSignal, які апублікаваў сусветны рэйтынг развіцця тэхналогіі LTE ў свеце, узрослы паказчык сярэдняй хуткасці 4G (39,1 мбіт/с) вывеў Беларусь на 19-ю пазіцыю. Наша  краіна дзеліць гэты радок рэйтынга з Ірландыяй і апярэджвае Аб`яднаныя Арабскія Эміраты, Японію, Ганконг, Катар, Расію, ЗША, Германію, Ізраіль, Польшчу, Украіну і іншыя. Больш хуткасны інтэрнэт 4G у Паўднёвай Карэі, Сінгапуры, Нарвегіі, Канадзе, Францыі і Швецыі. Напрыклад, японскія абаненты карыстаюцца 4G на хуткасці 38 мбіт/с, нямецкія —  31,9 мбіт / с, амерыканскія — 28,8 мбіт/с.

“У гадзіны найбольшай актыўнасці абанентаў сярэднія хуткасці падаюць, што натуральна для высоконагружанай сеткі. Калі тэхналогія толькі з`явілася ў 2015 годзе, карыстальнікаў у сеткі было каля 50 тысяч, а сёння — 2 мільёны, гэта значыць, што за чатыры гады попыт вырас у 40 разоў. Вырас і аб`ём трафіку, які спажываецца. Штомесяц мы фіксуем новыя рэкорды”,  — падкрэслівае генеральны дырэктар beCloud Алег Сядзельнік.

Нават у гадзіны найменшай нагрузкі адна базавая станцыя beCloud абслугоўвае 120 тысяч абанентаў і прапускае да 3 ГБ трафіку ў гадзіну.А ў гадзіны найбольшай нагрузкі (з 20.00 да 22.00) колькасць актыўных абанентаў павялічваецца больш чым утрая і дасягае 420 тысяч карыстальнікаў , а трафік на адну базавую вырастае ў шэсць разоў (да 18-20 ГБ у гадзіну).

_____________________________________________

Надзея Нікалаева
Звязда, 2 сакавіка 2019