Супрацоўнікамі Цэнтральнага РУУС Мінска сумесна з АМАП ГУУС Мінгарвыканкама "праведзена рэйдавая адпрацоўка тэрыторыі гандлёвага дома "Ждановічы" для выяўлення асоб, якія парушаюць грамадскі парадак, займаюцца бадзяжніцтвам і папрашайніцтвам".

У выніку супрацоўнікамі міліцыі было выяўлена і затрымана 90 чалавек, у дачыненні да якіх складзены 42 адміністрацыйныя пратаколы, з якіх 31 — за распіццё алкаголю і ўжыванне наркатычных сродкаў, 9 — за непадпарадкаванне законнаму распараджэнню ці патрабаванню службовай асобы пры выкананні ім службовых паўнамоцтваў, 2 — за дробнае хуліганства.

Акрамя таго, аддзелам ДАІ за ўчыненне рознага роду адміністрацыйных правапарушэнняў да адміністрацыйнай адказнасці прыцягнуты 71 удзельнік дарожнага руху.

"У ходзе ажыццяўлення праверкі на прадмет легальнасці знаходжання на тэрыторыі Рэспублікі Беларусь супрацоўнікамі АГіМ было праверана 28 замежных грамадзян. Па выніках праведзенай работы 5 замежнікаў прыцягнуты да адміністрацыйнай адказнасці за парушэнне заканадаўства аб прававым становішчы замежных грамадзян у Рэспубліцы Беларусь. У Цэнтр ізаляцыі правапарушальнікаў накіравана 10 чалавек", — інфармуе ГУУС Мінгарвыканкама.

Аляксей Арэшка, БелаПАН
Мінск, 21 кастрычніка 2018