Навучэнец сталічнага каледжа стаў пераможцам III Міжнароднага будаўнічага чэмпіянату, які прайшоў 17-20 кастрычніка на пляцоўцы кангрэсна-выставачнага цэнтра «ЭКСПАФОРУМ» у Санкт-Пецярбургу.
Перамогу атрымаў навучэнец Мінскага дзяржаўнага каледжа інавацыйных будаўнічых тэхналогій імя І.М.Жыжаля Дзмітрый Кірэеў у кампетэнцыі «Электрамантаж асвятляльных сетак і электраабсталявання». Малады чалавек набраў 92 балы са 100 магчымых.
Спаборніцтвы прайшлі па 25 намінацыях, у двух кірунках: інжынерныя і рабочыя спецыяльнасці. Мэтай чэмпіянату заяўлена забеспячэнне апераджальнага развіцця будаўнічай галіны ў інтарэсах грамадства, дзяржавы і бізнесу.
Звязда, 20 кастрычніка 2023
Ссылка на текущий документ: http://belarus.kz/aktueller/2-410/1/71239
Текущая дата: 09.05.2024