У некаторых пунктах пропуску на мяжы Беларусі з Латвіяй, Літвой і Польшчай 21 лютага назапасіліся чэргі з фур. Такая інфармацыя размешчана на сайце Дзяржпагранкамітэта.
Па стане на 18:00 у пунктах пропуску на беларуска-літоўскай мяжы ў чарзе знаходзіцца больш за 440 грузавікоў: у «Каменным Логу» — 170, у «Беняконях» — 120, у «Прывалцы» — 80, у «Катлоўцы» — 70.
Выезду ў Латвію чакаюць звыш 130 фур, з гэтага ліку 60 — у «Грыгораўшчыне», 70 — у пункце «Урбаны».
На беларуска-польскай мяжы затрымаліся больш за 260 грузавых аўто: у «Казловічах» — 140, у «Брузгах» — 70, у «Бераставіцы» — 50.
У пунктах пропуску на мяжы з Украінай чэргаў не назіраецца.
Звязда, 21 лютага 2021
Ссылка на текущий документ: http://belarus.kz/aktueller/2-411/18/58376
Текущая дата: 23.11.2024