Супрацоўнікі менскага мэтро ўшанавалі памяць загінулых падчас тэракту ўскладаньнем кветак да мэмарыяльнай дошкі, якая ўсталяваная каля ўваходу ў мэтро «Кастрычніцая». Жыхары сталіцы прынесьлі да мэмарыяльнай дошкі кветкі і запалілі каля яе зьнічы.
11 красавіка 2011 году на плятформе станцыі «Кастрычніцкая» адбыўся выбух самаробнага выбуховага прыстасаваньня. У выніку трагедыі, якую суд прызнаў тэрактам, загінулі 15 чалавек, 387 атрымалі раненьні. З 2011 году ад ран, атрыманых ад выбуху, памёр яшчэ адзін чалавек.
Вярхоўны суд прызнаў вінаватымі ў тэракце і асудзіў да сьмяротнага пакараньня жыхароў Віцебску Дзьмітрыя Канавалава і Ўладзіслава Кавалёва. Канавалаў прызнаў сваю віну цалкам, Кавалёў не прызнаў сябе вінаватым у пасобніцтве пры ўчыненьні тэракту і прасіў кіраўніка дзяржавы аб памілаваньні, але ягонае прашэньне не было задаволенае. У 2012 годзе сьмяротныя прысуды адносна Дзьмітрыя Канавалава і Ўладзіслава Кавалёва былі выкананыя.
Радыё Свабода
11 красавіка 2015, Менск
Радыё Свабода
11 красавіка 2015, Менск
Ссылка на текущий документ: http://belarus.kz/aktueller/2-411/53/30448
Текущая дата: 23.12.2024