У Мінску на вуліцы Акадэміка Купрэвіча каля скрыжавання з вуліцай Францыска Скарыны ўстаноўлены новы тып апоры вулічнага асвятлення, які спецыялісты называюць траўмабяспечным.
Як паведамляе ўпраўленне ДАІ ГУУС Мінгарвыканкама, пакуль гэта эксперымент, аднак новая апора ўжо пацвердзіла сваю эфектыўнасць. На вуліцы Купрэвіча нядаўна адбылося ДТЗ: аўтамабіль, страціўшы кіраванне, урэзаўся ў такую апору на хуткасць каля 60 км/гадз. Пасля сутыкнення ў аўтамабіля толькі пашкоджаны бампер, вадзіцель не пацярпеў. Калі б аўтамабіль на хуткасці звыш 50 км/гадз урэзаўся з жалезабетонную апору асвятлення, якія паўсюль устаноўлены на дарогах Беларусі, наступствы для вадзіцеля былі б вельмі сур`ёзнымі. Звычайна гэта цяжкія траўмы, аўтамабіль жа пасля такой аварыі разбіваецца ўшчэнт.
Новая апора вулічнага асвятлення выраблена з тонкасценнага металу. Пры наездзе аўтамабіля такі слуп складваецца, прычым не на аўтамабіль, а ў бок ад яго. Таксама апора аснашчана асаблівым тыпам свяцільняў, якія асвятляюць не толькі праезную частку, але і пешаходную зону. Такім чынам, у вадзіцеля з`яўляецца магчымасць зараней убачыць пешахода, яшчэ да таго, як ён выйдзе на праезную частку.
У ДАІ Мінска актыўна вывучалі міжнародны вопыт выкарыстання такіх апор. Яны прымяняцца практычна ва ўсіх краінах са станоўчым вопытам забеспячэння бяспекі дарожнага руху.
У ДАІ заяўляюць, што ў першую чаргу ў перааснашчэнні мае патрэбу Мінская кальцавая аўтадарога: за апошнія гады толькі ў выніку наездаў на апоры асвятлення на МКАД загінула больш чым 50 чалавек. У цэлым у ДАІ разлічваюць, што апоры новага тыпу знойдуць шырокае прымяненне на вуліцах беларускіх гарадоў. У найбліжэйшы час у Беларусі можа быць пабудаваны завод па вытворчасці такіх апор асвятлення.
Сталічная Дзяржаўтаінспекцыя з улікам сусветнага вопыту распрацавала і ўзгадніла з кіраўніцтвам Мінгарвыканкама новы тып дарожнай агароджы, пры ўстаноўцы якой выхад людзей на праезную частку будзе немагчымым. Узгоднены тры розныя тыпы агароджаў, яны будуць прымяняцца ў залежнасці ад катэгорыі вуліцы, ад месца размяшчэння агароджы. Самы эфектыўны тып будзе прымяняцца на шырокіх вуліцах прама на раздзяляльнай паласе. Цяпер іх выкананне дапрацоўваецца непасрэдна з мінскім заводам-вытворцам.
Пры вытворчасці новых агароджаў будзе ўлічвацца спецыфіка беларускай непагадзі, у тым ліку ўздзеянне вільгаці, а таксама пясчана-саляных сумесей, якімі апрацоўваюцца дарогі зімой. У Мінску ўжо ўстаноўлены пробныя ўзоры новых агароджаў, аднак пакуль яны працуюць у тэставым рэжыме. Пасля таго як тэсты закончацца і ўсе недахопы будуць ліквідаваны, новыя агароджы будуць устанаўліваюцца паўсюдна.
Вячаслаў Будкевіч, БелаПАН
Мінск, 24 студзеня 2014
Новая апора вулічнага асвятлення выраблена з тонкасценнага металу. Пры наездзе аўтамабіля такі слуп складваецца, прычым не на аўтамабіль, а ў бок ад яго. Таксама апора аснашчана асаблівым тыпам свяцільняў, якія асвятляюць не толькі праезную частку, але і пешаходную зону. Такім чынам, у вадзіцеля з`яўляецца магчымасць зараней убачыць пешахода, яшчэ да таго, як ён выйдзе на праезную частку.
У ДАІ Мінска актыўна вывучалі міжнародны вопыт выкарыстання такіх апор. Яны прымяняцца практычна ва ўсіх краінах са станоўчым вопытам забеспячэння бяспекі дарожнага руху.
У ДАІ заяўляюць, што ў першую чаргу ў перааснашчэнні мае патрэбу Мінская кальцавая аўтадарога: за апошнія гады толькі ў выніку наездаў на апоры асвятлення на МКАД загінула больш чым 50 чалавек. У цэлым у ДАІ разлічваюць, што апоры новага тыпу знойдуць шырокае прымяненне на вуліцах беларускіх гарадоў. У найбліжэйшы час у Беларусі можа быць пабудаваны завод па вытворчасці такіх апор асвятлення.
Сталічная Дзяржаўтаінспекцыя з улікам сусветнага вопыту распрацавала і ўзгадніла з кіраўніцтвам Мінгарвыканкама новы тып дарожнай агароджы, пры ўстаноўцы якой выхад людзей на праезную частку будзе немагчымым. Узгоднены тры розныя тыпы агароджаў, яны будуць прымяняцца ў залежнасці ад катэгорыі вуліцы, ад месца размяшчэння агароджы. Самы эфектыўны тып будзе прымяняцца на шырокіх вуліцах прама на раздзяляльнай паласе. Цяпер іх выкананне дапрацоўваецца непасрэдна з мінскім заводам-вытворцам.
Пры вытворчасці новых агароджаў будзе ўлічвацца спецыфіка беларускай непагадзі, у тым ліку ўздзеянне вільгаці, а таксама пясчана-саляных сумесей, якімі апрацоўваюцца дарогі зімой. У Мінску ўжо ўстаноўлены пробныя ўзоры новых агароджаў, аднак пакуль яны працуюць у тэставым рэжыме. Пасля таго як тэсты закончацца і ўсе недахопы будуць ліквідаваны, новыя агароджы будуць устанаўліваюцца паўсюдна.
Вячаслаў Будкевіч, БелаПАН
Мінск, 24 студзеня 2014
Ссылка на текущий документ: http://belarus.kz/aktueller/2-411/58/24764
Текущая дата: 23.11.2024