Белорусский портал в Казахстане

Семінары па растлумачэнні норм дэкрэта нумар 7 у будаўніцтве пройдуць у лютым ва ўсіх абласцях Беларусі



Пра гэта паведамілі ў прэс-службе Мінбудархітэктуры.

Міністэрства архітэктуры і будаўніцтва сумесна з аблвыканкамамі і Мінскім гарвыканкамам правядзе ў лютым семінары па растлумачэнні норм дэкрэта нумар 7 "Аб развіцці прадпрымальніцтва",.

"У час сустрэч усім зацікаўленым прадстаўнікам бізнес-супольнасцей будуць дадзены растлумачэнні новаўвядзенняў, якія датычацца сферы будаўніцтва.

Сярод галоўных новаўвядзенняў - спрашчэнне працэдуры закупак і правядзення экспертызы", - растлумачылі ў прэс-службе. У Брэсцкай вобласці семінар запланаваны на 13 лютага, у Гродзенскай вобласці - на 14 лютага, у Гомельскай - на 16 лютага, у Віцебскай - на 20 лютага, у Магілёўскай - на 21 лютага. У Мінску семінар пройдзе 26 лютага.

12 лютага 2018, Мінск
БЕЛТА

Ссылка на текущий документ: http://belarus.kz/aktueller/2/1/42540
Текущая дата: 29.03.2024