Органамі беларускай і літоўскай пагранслужб спынена дзейнасць транснацыянальнай злачыннай групы, якая арганізавала канал перапраўкі нелегальных мігрантаў цераз Беларусь у краіны Еўрасаюза.
Як паведамілі ў Дзяржпагранкамітэце Беларусі, у склад групы ўваходзілі грамадзяне Літвы, Беларусі і Расіі. Кіраваў ёю літовец 1977 года нараджэння. Удзельнікі групы — 1975-78 гадоў нараджэння, некаторыя з іх мелі спецыяльную падрыхтоўку. Сярод злачынцаў былі грамадзяне Расіі з ліку прафесійных вадзіцеляў і былых ваеннаслужачых спецыяльных падраздзяленняў расійскіх Узброеных сіл, якія маюць спецыяльныя навыкі ў кіраванні аўтамабілем, разведцы мясцовасці і тапаграфіі.
Злачынная група дзейнічала наступным чынам. На тэрыторыі Расіі пэўныя асобы займаліся пошукам патэнцыяльных нелегалаў з ліку замежных грамадзян, галоўным чынам выхадцаў з Афганістана, якія не мелі магчымасці законна ўехаць на тэрыторыю ЕС. Затым рэйсавым аўтобусам нелегалы дастаўляліся ў Мінск невялікімі групамі. Час і месца прыбыцця паведамлялася саўдзельнікам, якія сустракалі нелегалаў недалёка ад Мінска і на сваіх аўтамабілях перавозілі іх у Воранаўскі раён Гродзенскай вобласці. У пагранічнай паласе злачынцы суправаджалі замежных грамадзян на выбраны загадзя ўчастак зялёнай мяжы.
На тэрыторыі Літвы па ўказанні лідара злачыннай групы незаконных мігрантаў сустракалі літоўскія саўдзельнікі, якія ў далейшым павінны былі пераправіць іх углыб ЕС. Для перавозкі нелегалаў выкарыстоўваліся спецыяльна падрыхтаваныя мінівэны ці мікрааўтобусы з таніраваным шклом.
Праваднікі-разведчыкі падбіраліся з ліку асоб, якія праходзілі службу ў армейскіх спецпадраздзяленнях Расіі, мелі вопыт баявых дзеянняў на Паўночным Каўказе. Яны папярэдне вывучалі прыгранічную мясцовасць, аснашчаліся картамі, компасамі, GPS-навігатарамі, маскіровачнымі касцюмамі. Імі ў поўнай меры прымяняліся навыкі маскіроўкі і супрацьдзеяння праваахоўным органам, займаліся даволі кваліфікаванай разведкай найбольш уразлівых месцаў для пранікнення цераз дзяржаўную мяжу ў абход пагранічных нарадаў.
З кожнага нелегала за перакіданне цераз мяжу бралі ў сярэднім па 10 тысяч долараў.
Актыўная дзейнасць гэтай групы доўжылася толькі ў жніўні і верасні 2011 года.
Аператыўнае суправаджэнне злачыннай групы забяспечвалася літоўскай і беларускай бакамі. Злачынцы не падазравалі, што знаходзяцца пад пільным назіраннем аператыўнікаў пагранслужбаў Літвы і Беларусі. 16 і 25 жніўня група ажыццявіла два пераходы нелегалаў праз мяжу, затрыманне якіх па задуме спецаперацыі забяспечыў літоўскі бок ва ўнутраных раёнах Літвы. У верасні злачынцы, упэўненыя ў поўнай беспакаранасці, адважыліся на чарговую спробу парушэння мяжы.
15 верасня ў пагранічнай паласе былі затрыманы пяцёра грамадзян Афганістана, якія незаконна ўехалі ў Беларусь з тэрыторыі РФ, а таксама арганізатары і саўдзельнікі злачыннай групы. Сумеснымі намаганнямі затрымана 13 незаконных мігрантаў, выяўлена пяць арганізатараў і шэсць саўдзельнікаў. Дзевяць чалавек ужо затрыманы. У дачыненні да іх у Беларусі распачаты дзве крымінальныя справы на падставе ч.1 арт.18, ч.2 арт.371-1 КК (арганізацыя незаконнай міграцыі ў Рэспубліцы Беларусь, учыненая арганізаванай групай).
Службай аховы дзяржаўнай мяжы Літвы распачаты дзве крымінальныя справы ў дачыненні да шасці асоб, якія маюць дачыненне да супрацьпраўнай дзейнасці на тэрыторыі гэтай краіны.
Вячаслаў Будкевіч, БелаПАН
Мінск, 23 верасня 2011
Злачынная група дзейнічала наступным чынам. На тэрыторыі Расіі пэўныя асобы займаліся пошукам патэнцыяльных нелегалаў з ліку замежных грамадзян, галоўным чынам выхадцаў з Афганістана, якія не мелі магчымасці законна ўехаць на тэрыторыю ЕС. Затым рэйсавым аўтобусам нелегалы дастаўляліся ў Мінск невялікімі групамі. Час і месца прыбыцця паведамлялася саўдзельнікам, якія сустракалі нелегалаў недалёка ад Мінска і на сваіх аўтамабілях перавозілі іх у Воранаўскі раён Гродзенскай вобласці. У пагранічнай паласе злачынцы суправаджалі замежных грамадзян на выбраны загадзя ўчастак зялёнай мяжы.
На тэрыторыі Літвы па ўказанні лідара злачыннай групы незаконных мігрантаў сустракалі літоўскія саўдзельнікі, якія ў далейшым павінны былі пераправіць іх углыб ЕС. Для перавозкі нелегалаў выкарыстоўваліся спецыяльна падрыхтаваныя мінівэны ці мікрааўтобусы з таніраваным шклом.
Праваднікі-разведчыкі падбіраліся з ліку асоб, якія праходзілі службу ў армейскіх спецпадраздзяленнях Расіі, мелі вопыт баявых дзеянняў на Паўночным Каўказе. Яны папярэдне вывучалі прыгранічную мясцовасць, аснашчаліся картамі, компасамі, GPS-навігатарамі, маскіровачнымі касцюмамі. Імі ў поўнай меры прымяняліся навыкі маскіроўкі і супрацьдзеяння праваахоўным органам, займаліся даволі кваліфікаванай разведкай найбольш уразлівых месцаў для пранікнення цераз дзяржаўную мяжу ў абход пагранічных нарадаў.
З кожнага нелегала за перакіданне цераз мяжу бралі ў сярэднім па 10 тысяч долараў.
Актыўная дзейнасць гэтай групы доўжылася толькі ў жніўні і верасні 2011 года.
Аператыўнае суправаджэнне злачыннай групы забяспечвалася літоўскай і беларускай бакамі. Злачынцы не падазравалі, што знаходзяцца пад пільным назіраннем аператыўнікаў пагранслужбаў Літвы і Беларусі. 16 і 25 жніўня група ажыццявіла два пераходы нелегалаў праз мяжу, затрыманне якіх па задуме спецаперацыі забяспечыў літоўскі бок ва ўнутраных раёнах Літвы. У верасні злачынцы, упэўненыя ў поўнай беспакаранасці, адважыліся на чарговую спробу парушэння мяжы.
15 верасня ў пагранічнай паласе былі затрыманы пяцёра грамадзян Афганістана, якія незаконна ўехалі ў Беларусь з тэрыторыі РФ, а таксама арганізатары і саўдзельнікі злачыннай групы. Сумеснымі намаганнямі затрымана 13 незаконных мігрантаў, выяўлена пяць арганізатараў і шэсць саўдзельнікаў. Дзевяць чалавек ужо затрыманы. У дачыненні да іх у Беларусі распачаты дзве крымінальныя справы на падставе ч.1 арт.18, ч.2 арт.371-1 КК (арганізацыя незаконнай міграцыі ў Рэспубліцы Беларусь, учыненая арганізаванай групай).
Службай аховы дзяржаўнай мяжы Літвы распачаты дзве крымінальныя справы ў дачыненні да шасці асоб, якія маюць дачыненне да супрацьпраўнай дзейнасці на тэрыторыі гэтай краіны.
Вячаслаў Будкевіч, БелаПАН
Мінск, 23 верасня 2011
Ссылка на текущий документ: http://belarus.kz/aktueller/2/1009/9413
Текущая дата: 19.11.2024