Сёння адзначаецца Дзень яднання народаў Беларусі і Расіі, а таксама Сусветны дзень распаўсюджання інфармацыі па праблемах аўтызму і Міжнародны дзень дзіцячай кнігі. Якія яшчэ падзеі адбыліся 2 красавіка і чым адзначаны гэты дзень у народным календары, чытайце далей:

У 1996 годзе адбылося падпісанне Дагавора аб Супольнасці Рэспублікі Беларусь і Расійскай Федэрацыі.

У 1997 годзе адбылося падпісанне Дагавора аб стварэнні Саюза Беларусі і Расіі.

1832 год: Павел Баброўскі, беларускі гісторык і этнограф.

1933 год: Віктар Шымук, беларускі пісьменнік, перакладчык.

1949 год: Алесь Рашчынскі, беларускі кампазітар, фалькларыст, дырыжор, педагог.

Таксама сёння нарадзіліся дацкі казачнік Ганс Хрысціян Андэрсан і французскі пісьменнік Эміль Заля.

Сёння праваслаўныя вернікі шануюць памяць святой Фаціньі (Фаціны), з якой Ісус размаўляў каля калодзежа Іакаўлева побач з горадам Сіхар.

Лічылася, што ў гэты дзень калодзежная вада набывае лекавыя ўласцівасці. Ёю мылі твар і апырсквалі хаты і жывёлу. Святую ўшаноўвалі як дапаможніцу ад ліхаманкі.

Калі ўдзень было цёпла, а ўначы пахаладала, наступныя дні будзе добрае надвор`е. Белы заяц у лесе прадвяшчаў, што яшчэ выпадзе снег.

Sputnik, 2 красавіка 2023