Якія падзеі адбыліся 29 кастрычніка і чым адзначаны гэты дзень у народным календары, чытайце далей:

У 1937 годзе ў Мінску былі расстраляны шматлікія дзеячы культуры, асветы і дзяржаўнага апарату Беларусі, усяго — каля 100 чалавек.
29 кастрычніка 1939-га была падпісана Дэкларацыя Беларускага народнага сходу па пытанні аб уваходжанні Заходняй Беларусі ў склад БССР.

У 1952 годзе ў Пінску была знішчана сінагога, на той час найстарэйшая з захаваных на тэрыторыі Беларусі.

1833 год: Цэліна Бажэнцкая, заснавальніца рымска-каталіцкага рэлігійнага інстытута Кангрэгацыі Сясцёр Змёртвыхпаўстання.

1945 год: Мікалай Казак, савецкі і беларускі фізик.

Таксама сёння нарадзіўся англійскі акцёр і рэжысёр Эндру Лі Потс.

Сёння Праваслаўная царква ўспамінае пакутніка Лонгіна Сотніка, які разам са сваімі салдатамі быў пастаўлены назіраць за распінаннем Хрыста. Пасля ўбачаных каля крыжа цудаў ён паверыў у тое, што Хрыстос – Сын Божы. Менавіта ён працяў дзідай рэбры ўкрыжаванага Хрыста і, калі яго кроў трапіла сотніку ў вочы, ён стаў бачыць лепей і вылечыўся ад хваробы вачэй. Пасля Лонгін адмовіўся браць грошы, якія прапаноўвалі яму, каб ён маўчаў пра цуд, і быў абезгалоўлены.

Лонгіну моляцца людзі, у якіх хворыя вочы.

Калі ў гэты дзень быў моцны вецер, хутка пачнуцца дажджы, а калі вецер паўднёва-заходні, непагадзь будзе доўгай. Рэдкія аблокі, наадварот, прадракалі яснае і марознае надвор`е.

Sputnik, 29 кастрычніка 2024