Крупскі раён прыняў эстафету рэспубліканскай акцыі «Сімвал адзінства». Крупчане з караваем сустрэлі ўдзельнікаў аўтапрабегу. Таксама па традыцыі ў час сустрэчы адбылася цырымонія абмену дзяржаўным сцягам Рэспублікі Беларусь з пасланнем паміж рэгіёнамі. Кожны рэгіён краіны разам са сцягам перадае шасцярэньку, з якіх пасля будзе сабраны адзіны механізм — сімвал адзінства беларускага народа.

Далей картэж адправіўся ва ўрочышча Лебортава для ўдзелу ў мітынгу і ўскладання кветак ля брацкай магілы савецкіх воінаў.

Наступным патрыятычную акцыю прыняў Бярэзінскі раён. Праязджаючы праз Беразіно, удзельнікі рэспубліканскай акцыі далучыліся да мітынгу, які прайшоў у скверы каля помніка загінулым воінам. Сімвалічным момантам стала ўстаноўка  шыльдачкі з QR-кодам, дзе можна даведацца пра гісторыю помніка.

Патрыятычную эстафету акцыі «Сімвал адзінства» ад Бярэзіншчыны прыняў Чэрвеньскі раён. На мяжы адбылася цырымонія абмену дзяржфлагам з пасланнем. 20 аўтамабіляў і без малога 100 удзельнікаў аўтапрабегу накіраваліся да помніка А.К.Флегонтаву ў чэрвені.

Рэспубліканская акцыя «Сімвал адзінства» прымеркавана да года гістарычнай памяці і наглядна дэманструе сапраўдны дух патрыятызму.

Звязда, 26 лістапада 2022