Аператыўнікі Заводскага РУУС затрымалі 21-гадовага жыхара Жодзіна, які забіраў грошы ў падманутых пенсіянераў. Следства ўстанавіла, што за чатыры дні фігурант наведаў пецярых пацярпелых, у якіх забраў не менш як $50 тыс.у эквіваленце. Так, толькі адна з пацярпелых аддала яму $17 тыс.

Следчыя ў дачыненні да затрыманага распачалі крымінальныя справы за махлярства. Устанаўліваюцца ўсе эпізоды яго злачыннай дзейнасці і магчымыя змоўшчыкі.

Міліцыя нагадвае, што асобы, якія выконваюць ролі кур’ераў, нароўні з іншымі ўдзельнікамі злачынных схем адказваюць па законе, а таксама нясуць абавязак па кампенсацыі матэрыяльнага ўрону, нанесенага пацярпелым.

Звязда, 30 лістапада 2022