Цяпер гібрыдныя войны вядуцца не толькі супраць Беларусі, але ва ўсіх кутках планеты, заявіў кіраўнік дзяржавы ў Палацы Незалежнасці падчас нарады з кіраўніцтвам КДБ.

"Я запрасіў вас у гэту залу для сур`ёзнай мужчынскай размовы. Такая размова нядаўна адбылася з кіруючым складам міністэрства абароны. Размова па справе, кароткая і, я вельмі спадзяюся, што яна будзе рэзультатыўная", - адзначыў Аляксандр Лукашэнка.

Паводле яго слоў, сітуацыя, якая складваецца ўнутры і па-за нашай рэспублікай, з`яўляецца ўсяго толькі вяршыняй айсберга. Супрацоўнікі КДБ, як ніхто іншы ведаюць метады і сродкі ўздзеяння, якія накіроўваюцца на нашу краіну.

Беларускі лідэр сярод іншага пералічыў:

*інспіраванне дзяржаўнага перавароту

*арганізацыю тэрарыстычных актаў

*акцыі па запалохванні насельніцтва

*правядзенне агрэсіўнай інфармацыйнай вайны

*спробы разбурыць эканоміку./

Кіраўнік дзяржавы назваў усё гэта ў сукупнасці гібрыднай вайной. Такія войны ў сучасным свеце будуць весціся па ўсёй планеце.

Канчатковай іх кропкай з`яўляецца ваенная агрэсія. Але ў Беларусі да яе пакуль не дайшлі.

На думку Лукашэнкі, КДБ раскрыў планы здзейсніць гвалтоўныя і экстрэмісцкія дзеянні ў дачыненні да журналістаў дзяржаўных СМІ, суддзяў, дэпутатаў, сілавікоў і іх сем`яў. Гэта ўсё гаворыць пра вастрыню сітуацыі.

"Прэзідэнт звярнуў увагу, што ў 2021 годзе органамі дзяржбяспекі Беларусі ва ўзаемадзеянні з іншымі дзяржаўнымі структурамі прадухілена 11 спроб учынення тэрактаў, арганізаваных і прафінансаваных з тэрыторыі Польшчы, Літвы, Украіны, ЗША і Германіі. "Гэта тое, што мы ведаем, і тое, што можам сказаць…", - піша прэс-служба прэзідэнта.

Аляксандр Лукашэнка расказаў, што КДБ удалося спыніць дзейнасць спячых ячэек праекта "Рабочы рух", які курыраваўся амерыканскімі і літоўскімі спецслужбамі.

"Удзельнікамі гэтага экстрэмісцкага фармавання планаваліся дыверсіі з гібеллю людзей на аб`ектах Аршанскага і Мінскага чыгуначных вузлоў, на прадпрыемствах "Гродна Азот", "Гомсельмаш", Нафтан", БМЗ", - падкрэсліў ён.

На заканчэнне кіраўнік дзяржавы звярнуў увагу чэкістаў на такі факт, што пры дапамозе інфарматараў у Беларусі вёўся збор дадзеных аб тым, як улады плануюць супрацьстаяць абмежавальным мерам, каб карэктаваць на Захадзе санкцыйную палітыку супраць Беларусі.

Мінск, 15 сакавіка 2022
Sputnik