Правесці два тыдні ў аздараўленчым лагеры для дзіцяці будзе больш карысна, чым тыдзень на моры. 

Паводле слоў эксперта, знаходжанне на моры прадугледжвае перыяд адаптацыі, які доўжыцца да тыдня. Яшчэ тыдзень ідзе на адаптацыю пасля вяртання.

Калі ехаць на мора, трэба планаваць адпачынак на працягу 21 дня, упэўнена Святлана Маслоўская. Гэты час будзе ўключаць паўнацэнныя перыяды адаптацыі і асноўнага курса лячэння або рэабілітацыі. Вяртацца дадому пажадана ў цёплую пару года. "Калі вяртаемся, дапусцім, у лістападзе, кастрычніку, атрымліваем часам адваротны эфект", - заўважыла яна.

З гэтым згодны і намеснік дырэктара Рэспубліканскага цэнтра па аздараўленні і санаторна-курортным лячэнні насельніцтва Аляксандр Цай. Ён растлумачыў, што знаходжанне ў дзіцячым аздараўленчым лагеры прадугледжвае аздараўленчы эфект.

"Для дзяцей мы арганізуем дыетычнае харчаванне, правільнае збалансаванае двухтыднёвае меню. Раніцай зарадка, шэраг іншых мерапрыемстваў", - растлумачыў ён.

Важна, што ўсе дзеці заняты па інтарэсах. У аздараўленчых лагерах арганізуецца гуртковая работа, дзеці ўдзельнічаюць у разнастайных мерапрыемствах, глядзяць кіно, наведваюць месцы баявой славы і інш.

"Усе дзеці ў лагерах сапраўды заняты па інтарэсах. Ім цікава. Атрымліваюць новыя веды, уменні, навыкі, удасканальваюць правілы гігіены. У такіх, больш свабодных, умовах і камунікацыя лепш наладжваецца", - упэўнены ён.

30 траўня 2024, Мінск
БЕЛТА