Сёння адзначаецца Дзень славянскага пісьменства. Якія яшчэ падзеі адбыліся 24 траўня і чым адзначаны гэты дзень у народным календары, чытайце далей:

У 1925 годзе Выйшаў першы нумар газеты "Комсомольская правда".

1800 год: Валянцін Ваньковіч, беларускі мастак рамантычнага кірунку.

1904 год: Адам Русак, беларускі паэт-песеннік.

1920 год: Сямён Аляксандраў, беларускі акцёр.

Таксама сёння нарадзіліся рускі пісьменнік Міхаіл Шолахаў, рускі паэт Іосіф Бродскі і амерыканскі музыкант Боб Дылан.

Сёння праваслаўныя вернікі шануюць памяць святых Кірыла і Мефодзія. Браты былі родам з горада Салунь. Яны нарадзіліся ў заможнай сям`і і атрымалі добрую адукацыю. Па просьбе мараўскага князя Расціслава імператар Міхаіл ІІІ прыслаў настаўнікаў, якія маглі б распаўсюджваць хрысціянства. Браты разам з вучнямі перарабілі славянскі алфавіт, які атрымаў назву кірыліца.

У аснове сучаснага шрыфту знаходзіцца варыянт азбукі, рэфармаваны па загадзе Пятра І у 1708 годзе.

Таксама сёння ўспамінаюць святапакутніка Мокія Амфіпальскага. Імя святога асацыявалася ў народзе са словам "мокры". У гэты дзень імкнуліся прадказаць надвор`е да лета. Калі бялізна, вывешаная на вуліцы, будзе мокрая, то лета будзе дажджыстае, калі ж сухая – гарачае і сухое.

Па павер`ях 24 траўня прачынаюцца ў рэках і азёрах русалкі, таму да вады стараліся не падыходзіць.

Sputnik, 24 траўня 2024