Белорусский портал в Казахстане

Долар ЗША і еўра патаннелі больш чым на капейку на фоне заўважнага ўмацавання расійскага рубля



13 верасня на таргах Беларускай валютна-фондавай біржы беларускі рубель умацаваўся да долара ЗША і еўра, знізіўся да расійскага рубля.

Па выніках таргоў курс еўра знізіўся на 0,0119 рубля (0,47%) і склаў 2,5009 рубля.

Курс долара ЗША зменшыўся на 0,0153 рубля і (0,71%) і склаў 2,1528 рубля.

Курс расійскага рубля вырас на 0,0242 рубля (0,78%) і склаў 3,1371 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. Кошт бараля нафты Brent напярэдадні вечарам падняўся вышэй за 80 долараў ЗША.

У Расіі сярэдняўзважаны курс долара да рубля разлікамі "заўтра" на адзінай гандлёвай сесіі ММВБ, па якім усталёўваецца афіцыйны курс Цэнтрабанка, на 11.30 знізіўся на 0,9358 рубля і склаў 68,637 рубля.

Аляксей Арэшка, БелаПАН
Мінск, 13 верасня 2018

Ссылка на текущий документ: http://belarus.kz/aktueller/2/522/44923
Текущая дата: 21.05.2024