Гэты дзень з`яўляецца пяцьдзесят другім па грыгарыянскім календары, таму да канца года засталося 314 дзён.
Сёння адзначаецца Міжнародны дзень роднай мовы. Якія яшчэ падзеі адбыліся 21 лютага і чым адзначаны гэты дзень у народным календары, чытайце далей:
Гістарычныя падзеі 21 лютага
У 1918 годзе Выканаўчы камітэт Савета Усебеларускага з`езда апублікаваў I Устаўную грамату, якой абвясціў сябе часовым урадам Беларусi. Нямецкія войскі ўвайшлі ў Мінск. СНК РСФСР прыняў дэкрэт-заяву "Сацыялістычная Айчына ў небяспецы!"
Хто нарадзіўся 21 лютага
1952 год: Мікалай Паграноўскі, беларускі мастацтвазнавец.
Таксама сёння нарадзіліся аўстрыйскі кампазітар Карл Чэрні і брытанскі акцёр Алан Рыкман.
21 лютага ў народным календары
Сёння праваслаўныя вернікі ўспамінаюць аднаго з 12 малых прарокаў – Захарыя. Яму маліліся, каб жніво было добрым – у народнай свядомасці гэта звязана з тым, што прарок Захарыя ў сне ўбачыў скрутак, які па форме нагадваў серп.
У народзе гэты дзень лічыўся нешчаслівым, толькі гандлярам і рамеснікам ён абяцаў прыбытак. З Захарыя рыба ў рэках і азёрах пераставала кляваць.
Калі ў гэты дзень марозна, хутка прыйдзе вясна і пацяплее. Тое ж самае прадвяшчаюць гусі, якія мыюцца ў снезе.
Sputnik, 21 лютага 2024
Ссылка на текущий документ: http://belarus.kz/aktueller/2/54/72770
Текущая дата: 16.11.2024