Па выніках таргоў курс еўра знізіўся на 0,0130 рубля (0,56%) і склаў 2,3197 рубля.

Курс долара ЗША знізіўся на 0,0100 рубля (0,50%) і склаў 2,0052 рубля.

Курс расійскага рубля вырас на 0,0079 рубля (0,25%) і склаў 3,1516 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, які шмат у чым залежыць ад цэн на нафту. Ф`ючарсы на марку Brent растуць і знаходзяцца ў раёне 75,5 долара за бараль.

У Расіі сярэдняўзважаны курс долара да рубля разлікамі "заўтра" на адзінай гандлёвай сесіі ММВБ, па якім усталёўваецца афіцыйны курс Цэнтрабанка, на 11.30 панізіўся на 45,08 капейкі і склаў 63,6175 рубля.

Аляксей Арэшка, БелаПАН
Мінск, 20 чэрвеня 2018