Саміт арганізаваны ў рамках цыкла канферэнцый, прысвечаных гэтаму значнаму аспекту міжнароднай бяспекі, якія праводзяцца з 2012 года ў розных краінах пры ўдзеле высокапастаўленых прадстаўнікоў палітычных, ваенных, навуковых і дзелавых колаў, адзначае прэс-служба беларускага МЗС. Прадстаўнік краіны ўпершыню прыняў удзел у такім мерапрыемстве.

У гэтым годзе саміт сабраў каля 150 афіцыйных асоб і экспертаў больш чым з 30 дзяржаў, прадстаўнікоў ЕС, Савета Еўропы, АБСЕ, НАТА, іншых міжнародных арганізацый.

Праграмай саміту прадугледжаны тэматычныя секцыі па пытаннях прававога рэгулявання ў сферы кібербяспекі, падыходаў да забеспячэння кібербяспекі ў сусветным маштабе.

Кіраўнік беларускай дэлегацыі выступіў у рамках адной з секцый з інфармацыяй аб ходзе рэалізацыі ініцыятывы Аляксандра Лукашэнкі па аднаўленні шырокага дыялогу па пытаннях бяспекі. Шастакоў таксама правёў сустрэчу са старшынёй Мюнхенскай канферэнцыі па бяспецы Вольфгангам Ішынгерам. Бакі абмеркавалі ход падрыхтоўкі да правядзення сустрэчы асноўнай групы Мюнхенскай канферэнцыі па бяспецы ў Мінску ў гэтым годзе.

Беларуская дэлегацыя наведала інавацыйны цэнтр "Е-Шоурум" і прэзентацыю дасягненняў Эстоніі ў галіне дыгіталізацыі.

БелаПАН
Мінск, 29 мая 2018