Па выніках таргоў курс еўра знізіўся на 0,0192 рубля (0,77%) і склаў 2,4849 рубля.

Курс долара ЗША знізіўся на 0,0179 рубля (0,88%) і склаў 2,0077 рубля.

Курс расійскага рубля знізіўся на 0,0017 рубля (0,05%) і склаў 3,2908 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. Нафта падаражэла да максімумаў за тры гады на фоне зніжэння запасаў у ЗША, цана бараля нафты гатунку Brent дасягнула 74 долараў ЗША.

У Расіі афіцыйны курс долара да рубля, устаноўлены Цэнтрабанкам РФ на 20 красавіка, знізіўся на 69 капеек да 60,86 рубля.

Аляксей Арэшка, БелаПАН
Мінск, 19 красавіка 2018