Рэспубліканскі тэатр беларускай драматургіі (РТБД) плануе аб`явіць для драматургаў конкурс на стварэнне камедыйнай п`есы, Камедыйны жанр у ліку самых складаных.

Не многія драматургі ў ім працуюць, і ў рэпертуары тэатраў не хапае яркіх арыгінальных п`ес, адзначыў Уладзімір Карачэўскі. Конкурс прызначаны ліквідаваць гэты прабел.

Чакаецца, што адным з арганізатараў выступіць Беларусбанк. З ім тэатр праводзіў ужо конкурс для драматургаў "Францыск Скарына і сучаснасць".

Па яго выніках сумесна з Нацыянальнай бібліятэкай РТБД выпусціў зборнік, п`есы якога цяпер ставяць розныя тэатры краіны. Конкурс увайшоў у топ-10 ініцыятыў Года культуры, якім быў аб`яўлены ў Беларусі 2016-ы. РТБД адзначыў 25-годдзе ў 2017 годзе.

Добрым вынікам юбілейнага года стала прысуджэнне спецыяльнай прэміі Прэзідэнта за значны ўклад у развіццё тэатральнага мастацтва, паспяховае правядзенне мерапрыемстваў, прысвечаных 500-годдзю беларускага кнігадрукавання.

"Для нас гэта вялікі гонар. Лічу, што калектыў заслужыў прэмію", - падкрэсліў Уладзімір Карачэўскі і дадаў, што ганарыцца камандай - актыўнай, дынамічнай, любячай сваю справу.

Невыпадкова прэмію кіраўніцтва мае намер патраціць не на рэалізацыю чарговага тэатральнага праекта, а на падтрымку канкрэтных людзей, якія сваёй працай заслужылі гэту ўзнагароду.

Палова рэпертуару тэатра ў 2017 годзе была пастаўлена пры садзейнічанні партнёраў. Спектаклі карыстаюцца вялікай папулярнасцю ў гледачоў, прыцягваюць вялікую ўвагу на фестывалях і гастролях.

Такім чынам, у тэатры паспяхова развіваюць дзяржаўна-прыватнае партнёрства. У РТБД на сваім вопыце пераконваюцца, што ў Беларусі для гэтага ёсць неабходныя ўмовы, адзначыў Уладзімір Карачэўскі. Усё гэта дае магчымасць з упэўненасцю глядзець у будучыню і будаваць амбіцыйныя планы.

Так, у 2018 годзе калектыў запрошаны на фестывалі ў Расію і Сербію. Спектакль "Сіндром Медэі" будзе прадстаўлены ў Арменіі на ІІІ Маладзёжным тэатральным форуме краін Садружнасці, Балтыі і Грузіі. На восень назначаны гастролі ў Польшчы, куды РТБД павязе лепшыя пастаноўкі, у ліку якіх "Тры Жызэлі", "Бетон", "Кар`ера доктара Рауса".

Прапрацоўваецца пытанне арганізацыі камерцыйных гастролей у Францыю. Уладзімір Карачэўскі звярнуў увагу, што 2018 год у Еўропе аб`яўлены Годам культурнай спадчыны.

РТБД мае намер скарыстацца гэтай магчымасцю для папулярызацыі сярод еўрапейскіх гледачоў беларускай культуры і мастацтва. Тым больш, што цікавасць за мяжой ёсць ужо цяпер.

8 студзеня 2018, Мінск
БЕЛТА