Скасавана ўпраўленне ўнутраных спраў па ахове Мінскага метрапалітэна. Адпаведны ўказ падпісаў Прэзідэнт Беларусі Аляксандр Лукашэнка.

Функцыі скасаванага органа па арганізацыі рэагавання на заявы, паведамленні аб злачынствах, адміністрацыйных правапарушэннях і інфармацыю аб здарэннях на аб`ектах метрапалітэна перадаюцца галоўнаму ўпраўленню ўнутраных спраў Мінскага гарвыканкама, па забеспячэнні бяспечнага выканання перавозак пасажыраў - службе бяспекі Мінскага метрапалітэна. Указ прыняты ў мэтах удасканалення дзейнасці органаў унутраных спраў.

8 студзеня 2018, Мінск
БЕЛТА