Міжнародныя партнёры ніколі не выдзялялі фінансы на развіццё самога Беларускага таварыства Чырвонага Крыжа (БТЧК), заявіў кіраўнік БТЧК Дзмітрый Шаўцоў перад пасяджэннем прэзідыума арганізацыі.

"Усе грашовыя сродкі, якія выдзяляліся на дапамогу Беларускаму Чырвонаму Крыжу ад нашых міжнародных партнёраў, ішлі непасрэдна на аказанне толькі дапамогі замежным грамадзянам", - растлумачыў ён.

У асноўным гэта былі людзі, якія вымушана пераехалі з Украіны. Ім давалі ваўчары на розныя тавары, грошы.

Шаўцоў падкрэсліў, што ёсць рэальныя шляхі прадаўжэння работы БТЧК у наступным годзе і пазней. У арганізацыі ёсць планы, згодна з якімі мяркуецца павелічэнне колькасці валанцёраў.

Кіраўнік БТЧК расказаў і аб дапамозе дзецям Данбаса. Як ён растлумачыў, у арганізацыі ёсць дагавор з Фондам Аляксея Талая.

"Вядома, мы з гэтымі дзецьмі займаемся (калі яны на адпачынку ў Беларусі). Гэта было і ў мінулым годзе, і ў гэтым", - сказаў Шаўцоў.

Ён запэўніў, што БТЧК не застанецца ў баку і будзе дапамагаць ім. Арганізацыя не толькі працягне аказваць матэрыяльную дапамогу, напрыклад, у выглядзе падарункаў. Самае галоўнае – гэта псіхатэрапія праз гульню, каб зняць хранічны стрэс, у якім жывуць дзеці Данбаса.

Раней асвятлялась праца Чырвонага Крыжа ў гэтым напрамку, у тым ліку паездка Шаўцова ў Данбас, якая выклікала негатыўную рэакцыю шэрага замежных палітыкаў. Членства БТЧК у Міжнароднай федэрацыі таварыстваў Чырвонага Крыжа і Чырвонага Паўмесяца было прыпынена. Федэрацыя заявіла аб спыненні фінансавання БТЧК.

Мінск, 14 лютага 2024
Sputnik