Па выніках таргоў курс еўра знізіўся на 0,0026 рубля (0,13%) да 2,065 рубля.

Курс долара вырас на 0,0059 рубля (0,3%) і склаў 1,9597 рубля.

Курс расійскага рубля (за 100 адзінак) знізіўся на 0,0046 рубля (0,14%) і склаў 3,2723 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, доля долара ЗША — 30% і еўра — 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. Раніцай нафта некалькі таннее ў сувязі з ростам экспарту з Ірана і колькасці буравых установак у ЗША. Марка Brent раніцай гандлюецца ля адзнакі 56 долараў за бараль.

Разам з тым у Расіі рубель пачаў таргі панядзелка зніжэннем з шматмесячных максімумаў, дасягнутых у канцы мінулага тыдня. Сярэдняўзважаны курс долара да рубля разлікамі "заўтра" на адзінай гандлёвай сесіі (АГС) ММВБ, па якім устанаўліваецца афіцыйны курс ЦБ, на 11.30 панядзелка вырас на 35,13 капейкі, склаўшы 59,8961 рубля.

Аляксей Арэшка, БелаПАН
Мінск, 9 студзеня 2017