Раней Уладзімір Улаховіч займаў пасаду намесніка старшыні БелГПП.

У пасяджэнні савета ўзялі ўдзел міністр гандлю Уладзімір Калтовіч, намеснік міністра замежных спраў Яўген Шастакоў, намеснік міністра прамысловасці Аляксандр Агароднікаў, прадстаўнікі 73 прадпрыемстваў, арганізацый, бізнес-саюзаў краіны.

Савет таксама вызваліў Міхаіла Мятлікава ад пасады старшыні БелГПП у сувязі з яго прызначэннем на пасаду пасла Беларусі ў Грузіі. Мятлікаў працаваў на пасадзе старшыні палаты з лютага 2011 года.

Гандлёва-прамысловая палата — добраахвотнае аб`яднанне юрыдычных асоб і індывідуальных прадпрымальнікаў, з`яўляецца недзяржаўнай некамерцыйнай арганізацыяй, створанай з мэтай садзейнічання развіццю прадпрымальніцкай дзейнасці ў Беларусі, інтэгравання яе эканомікі ў сусветную гаспадарчую сістэму, стварэння спрыяльных умоў для ўмацавання знешнеэканамічных сувязяў суб`ектаў прадпрымальніцкай дзейнасці з замежнымі партнёрамі.

Марына Носава, БелаПАН
Мінск, 10 жніўня 2016