Артыстка Белдзяржцырка паветраная гімнастка Алёна Клімовіч удастоена залатой узнагароды I Міжнароднага дзіцячага і моладзевага фестывалю цыркавога мастацтва, які прайшоў 27-28 мая ў Нацыянальным цырку Украіны.  

Нумар "Антыпод "Іншая" ў яе выкананні ўдастоены залатой узнагароды ва ўзроставай катэгорыі ад 18 да 25 гадоў. Фестываль сабраў каля 200 юных майстроў цыркавога мастацтва з Украіны, Беларусі, Ізраіля, Егіпта, Латвіі і прадаставіў магчымасць выступаць на сцэне аднаго з самых прыгожых цыркаў Еўропы.

Як адзначылі ў Белдзяржцырку, Алёна Клімовіч - таленавітая артыстка, крыху больш за год работы ў цырку золата I Міжнароднага дзіцячага і моладзевага фестывалю цыркавога мастацтва стала яе трэцяй узнагародай. Майстэрства Алёны Клімовіч гледачы могуць ацаніць у новай праграме Белдзяржцырка "Я працую чараўніком", якой 20 мая ён адкрыў летні сезон. У праграме артыстка выконвае нумар "Антыпод "Іншая", што прынёс ёй высокую ўзнагароду фестывалю.

Ацаніць праграму "Я працую чараўніком" аматары цыркавых паказаў змогуць па 24 ліпеня.

31 мая 2016, Мінск
БЕЛТА