У Брэсце ў выніку сумеснай аперацыі Камітэта дзяржбяспекі і АМАПа затрымалі ўраджэнца Чачні, які падазраецца ў сувязях з забароненай у Расіі арганізацыяй "Ісламская дзяржава".

"У дачыненні да затрыманага на тэрыторыі РФ распачатая справа на падставе ч. 2 арт. 208 КК (арганізацыя незаконнага ўзброенага фарміравання або ўдзел у ім). Паводле звестак нашых калег з ФСБ РФ, гэты грамадзянін прайшоў баявую падрыхтоўку ў адным з лагераў "Ісламскай дзяржавы" і знаходзіцца ў спісе асоб, якія падазраюцца ў дзейнасці гэтага незаконнага ўзброенага фарміравання", — сказаў Пабяржын.

Вядома, што затрыманаму 28 гадоў і ён пакінуў Расію 12 гадоў таму. Зараз праваахоўныя органы правяраюць кантакты і перапіску, якая вялася праз тэлефон і электронную пошту.

БелаПАН
Мінск, 12 снежня 2015