27 ліпеня дзяўчына не выйшла на працу ў Мінску і спыніла зносіны са сваякамі. Падчас комплексу аператыўна-вышуковых мерапрыемстваў супрацоўнікамі крымінальнага вышуку было ўстаноўлена дачыненне да знікнення яе знаёмага. Па непасрэдным падазрэнні ва ўчыненні злачынства быў затрыманы мужчына 1987 года нараджэння, які пражывае на арандаванай кватэры ў Мінскім раёне. 

Нягледзячы на адмаўленне сваёй віны ў наўмысным забойстве, падчас правядзення комплексу следчых дзеянняў устаноўленыя акалічнасці ўчынення злачынства. 

Так, высветлілася, што 24 ліпеня малады чалавек сустрэўся з пацярпелай і запрасіў да сябе дамоў. Вечарам наступнага дня ў выніку сваркі, якая ўзнікла на глебе рэўнасці, ён задушыў дзяўчыну. Завалодаў яе банкаўскай карткай, мабільным тэлефонам, залатым ланцужком, які здаў у ламбард. З прычыны няведання персанальнага ідэнтыфікацыйнага кода, ён не змог зняць грашовыя сродкі з выкрадзенай банкаўскай карткі, а выкраў іх, аплаціўшы набытыя таварна-матэрыяльных каштоўнасці. Далей, з мэтай утойвання слядоў забойства, на арандаваным аўтамабілі вывез труп, які змясціў у сумку, у лясны масіў у Віцебскую вобласць. 

Паводле заключэння экспертаў, пацярпелая памерла ад механічнай асфіксіі ў выніку сціскання органаў шыі. 

У межах крымінальнай справы праведзеныя праверкі паказанняў на месцы з удзелам абвінавачванага, дзясяткі судовых экспертыз, сабрана доказная база вінаватасці падследнага. 

Па выніках расследавання дзеянні абвінавачванага следствам кваліфікаваныя як наўмыснае забойства, крадзеж, крадзеж маёмасці шляхам увядзення ў камп`ютарную сістэму лжывай інфармацыі, спалучаныя з несанкцыянаваным доступам да камп`ютарнай інфармацыі. Мера стрымання ў дачыненні да абвінавачванага застаецца ранейшай — змяшчэнне пад варту. 

Крымінальная справа перададзена ў пракуратуру для накіравання ў суд. 

Нагадаем, Кацярына Сачкова жыла ў інтэрнаце ААТ "МАЗ" на вуліцы Варвашэні. 24 ліпеня ў 23.30 яна выйшла з дома і не вярнулася. 

Пра вышук дзяўчыны 29 ліпеня паведаміў пошукава-ратавальны атрад "Анёл".

Вячаслаў Будкевіч, БелаПАН
Мінск, 2 снежня 2015